ADDICT KA BA SA VIDEO GAMES?

Isa sa hindi ko makakalimutang regalo noong ako ay bata pa ay ang Game and Watch na ibinigay sa akin ng aking tita na nagtatrabaho dati sa Saudi Arabia. Iyon ang old version ng Gameboy. Kapag may Game and Watch ka noon, angat ka sa mga kalaro mo na walang alam laruin kundi tumbang preso at tagu-taguan. Pero nawala ang atensyon ko sa Game and Watch nang bigyan ang pinsan ko ng ATARI. Pa-morningan ang laro namin ng Pacman pati Enduro (ung race car game) hanggang sa ilang joystick ang masira namin sa sobrang energetic namin maglaro. Kapag ayaw magpalaro ng iba, siguradong away iyon. Nasundan ang ATARI ng Family Computer. Ang Family Compute ay sinundan naman ng Computer Games at Play Station. Ngayon mayroon nang PSP at Online Games tulad ng D.O.T.A. (Death of the Ancients) at Counter Strike. Nauso pa ang Nintendo Wii at Sony PS3.

Naimbento ang video games noong 1970s. Simple lang ang unang naimbentong laro, ang Pong na may dalawang rectangle bilang paddle at isang square ball na pagpapasa-pasahan ng mga manlalaro. Ang itinuturing na kauna-unahang marahas na laro ay ang PAC-MAN kung saan kumakain na ng mga pills at ghosts ang bida sa laro. Marami nang lumabas na mga laro magmula nang maimbento ang Pac-Man. Marami sa kanila ay hindi lang mas magaganda ang graphics, mas mararahas din. Halos lumuwa ang bituka at bumaha ng dugo ang ilan sa mga tauhan ng mga larong ito kapag nababaril o napapatay ng naglalaro. Ito ang mga larong kalimitang kinahuhumalingan ng maraming kabataan.

BENEFITS AND DRAWBACKS OF VIDEO GAMES

May magandang naidudulot ang paglalaro ng video games sa mga kabataan. Video games can make one’s mind active and alert. Some even say that video games like Tetris can be a form of therapy and a form of relaxation. Napapaunlad din ng mga video games ang analytical skills ng mga kabataan lalo na sa mga larong ginagamitan ng strategy. These games can also develop eye-hand coordination. Sabay na nanood ang naglalaro at ginagamit ang mouse upang pagalawin ang mga karakter at mga gamit na gadgets sa laro. Simulated games can also promote education, learning, control and discipline. Isang halimbawa nito ay ang mga flight simulators kung saan parang isang piloto ang isang naglalaro. Isa ring magandang halimbawa ay ang SIMS, ang itinuturing na best-selling game of all time.

NGUNIT Sa kabila ng lahat ng kabutihang maaring idulot ng paglalaro ng mga computer games, maraming kabataan ang lalong napapasama dahil sa lubos na pagkagumon. Sa halip na maging educational ang mga simulation games, nagiging “murder simulators” sila dahil mismo ang mga kabataan ang nag-iisip ng paraan paano papatayin ang kanilang kaaway.

Hindi lang karahasan kung hindi maging kahalayan ang maaring bumulaga sa lahat ng video game fanatics. Isang classic example dito ang Duke Nukem 3D, ang kauna-unahang PC first-person shooter game na inilabas noong 1996. Kasama sa laro ang mga hubad na babae, strippers at prostitutes na puwede mong bayaran ng pera para ipakita ang kanilang hubad na katawan.

May tatlo nang naitalang namatay dahil sa sobrang paglalaro ng video games: Si Lee Seung Seop ng South Korea na namatay habang naglalaro ng Starcraft sa loob ng 50 oras, si Xu Yan ng Jinzhou, China na naglalaro ng online games sa loob ng 15 araw at isang hindi ipinakilalang 30-taon na lalaki na namatay sa Guangzhou, China matapos maglaro sa loob ng tatlong araw.

VIDEO GAME ADDICTION: ISANG BAGONG SAKIT

Pinag-uusapan na ngayon ng American Medical Association (AMA) kung ituturing na bang isang mental illness ang Video Gaming Addiction. Bagaman marami pang pag-aaral na kailangang gawin, nakakabahala na ito dahil nakaabot na ito sa atensyon ng mga sikolohista at eksperto sa medisina. Pinatunayan ng isang pag-aaral sa Iowa State University na hindi mapaghihiwalay ang violent video games sa pagiging marahas ng mga kabataan. Hindi makakaila na may epekto ang paglalaro ng video games sa emosyon ng maraming kabataan. Mas tumitindi ang masamang epekto ng mga mararahas na video games sa buhay ng isang kabataan kung nararanasan at nakikita niya rin ang mga bagay na ito sa kaniyang buhay at paligid.

Other negative effects include the following: antisocial behavior, poor academic performance, desensitization to violence and aggression, too much emotional involvement with the character in video games, can lead to other delinquency (i.e. stealing), and can reinforce the aggressive tendencies of players through constant stimulation. Dahil sa tindi ng problema, mayroon isang clinic sa Beijing, China na itinayo upang gamutin ang mga video game addicts. Kalimitan sa mga pasyente ay mga teenagers na may edad 12 hanggang 17. Dahil sa tindi ng problema sa mga mauunlad na bansa tulad ng Amerika, nirerekomenda na ng mga eksperto na magtatag ng Video Gamers Anonymous katulad ng Alcoholics Anonymous para sa mga lulong sa alak.

SIGNS OF ADDICTION

May mga palatandaan kung paano mo malalaman kung may sintomas ka na ng Video Game Addiction. Any addiction involves preoccupation, loss of control, withdrawal and continuance of act despite adverse consequences.

· Preoccupation

o Nauubos ang oras mo sa paglalaro

o Napapabayaan mo na ang iyong kalusugan. Lumiliban ka na sa pagkain.

o You forget your personal hygiene dahil busy ka sa paglalaro

· Loss of control

o Hindi mo mapigilang hindi maglaro

o Gumagawa ka ng paraan para makapaglaro

o Lumiliban sa klase, naghahanap ng paraan para hindi magambala sa paglalaro

o Laging nasa isip mo ang video games.

· Withdrawal

o Naiirita ka kapag hindi ka nakakapaglaro

o Nagagalit ka sa sinumang pinipigilan kang maglaro

PREVENTION IS STILL THE BEST SOLUTION

Gusto mo bang makaligtas sa panganib ng video game addiction? I give you these recommendations:

· Huwag mo nang simulan ang bisyo. Ilaan ang oras at salapi sa mas mahahalagang bagay.

· Humingi ng tulong sa Panginoon sa pamamagitan ng palaging pananalangin upang makontrol at madisiplina ang sarili. Limit your play time and be selective of the game you play. No gore, no violence, no sex, no evil contents.

· Sa halip na sa video games ilaan ang iyong panahon, get involved in activities that will develop your whole personality-get involved in extra-curricular activities in school and church ministries. Focus on your studies and academic work.

· Huwag sumama sa mga barkadang magtutulak sa iyo na maging gumon sa video games.